10 тамыз күні Семей қаласында «Елімай» футбол клубы» КеАҚ-ның алғашқы Директорлар кеңесінің отырысы өтті.
Бұл – Қазақстан Республикасы Президенті Қасым-Жомарт Тоқаевтың кәсіби футболды коммерцияландыру жөніндегі тапсырмасын жүзеге асырудағы келесі қадам.
Директорлар кеңесі мына құрамда бекітілді:
✅Нұрбаев Орман Кәрімұлы – Директорлар кеңесінің төрағасы, «Шәкәрім Университеті» КеАҚ-ның директоры
✅Дюсупов Алтай Ахметқалиұлы – «Семей медицина университеті» КеАҚ-ның ректоры
✅Омаров Талғат Төлегенұлы – «Қазполиграф» АҚ директорлар кеңесінің төрағасы
✅Оралбеков Әділет Оралбекұлы – «Alatau City Bank» АҚ Алматы филиалының директоры, Абай облыстық футбол федерациясының бірінші вице-президенті
✅Каган Виталий Михайлович – ФИФА төрешісі, ұлттық жоғарғы санаттағы төреші
✅Асқар Уранхаев Еркінұлы – Абай облыстық футбол федерациясы президентінің кеңесшісі
✅Жаленов Бинұр Мұратұлы – Ұлттық банктің төрағасына кеңесші, цифрлық трансформация жөніндегі жетекші
✅Базенов Айрат Базенұлы – «Алихан Бөкейхан Университеті» КЕАҚ тәрбие және әлеуметтік жұмыстар жөніндегі проректоры
✅Байғалиев Серік Марксұлы – Абай облысы бойынша «Сыбайлас жемқорлыққа қарсы Президент саясатын қолдау орталығы» ҚҚ филиалының басшысы
Барлығы – Абай облысының тумалары, абыройлы, мол тәжірибесі бар, қоғамда ықпалы жоғары азаматтар.
Сонымен қатар, Salem Entertainment компаниясының басқарма төрағасы – Омаров Рүстем Егеубекұлы да бекітілді.
Директорлар кеңесінің құрылуы – жай ғана ресми қадам емес, бұл клубты басқарудың ашықтығына, қаржылық жауапкершілікке және тұрақты дамуға бағытталған маңызды шешім.
«Елімай» өз тарихының жаңа кезеңін бастайды – футбол мен туған жерге деген сүйіспеншілікпен біріктірілген мықты басқарушы команданың қатысуымен!
