18 ақпанда Семей қаласына DUOL компаниясының өкілдері келді – әлемдегі ауа көтергіш құрылымдарын (манеждер мен куполдар) әртүрлі өлшемдер мен күрделілік деңгейлерінде өндіретін жетекші компания. Компания халықаралық нарықта 30 жылдан астам уақыт бойы жұмыс істейді және осы уақыт аралығында 40 елде 3000-нан астам купол орнатқан.
«Елімай ФК» ҚҚ шақыруымен DUOL мамандары Ұшақтар шағын ауданында орналасқан Футбол орталығының құрылысын тексеріп, инспекция өткізді. Бұл ұзақ күткен жоба Абай облысының жас спортшылары үшін ПВХ-мембранасы бар манеждің проблемаларына байланысты тоқтатылғандықтан, тәуелсіз сараптама жүргізу туралы шешім қабылданды.
Екі күн ішінде DUOL сарапшылары «Енго» ЖШС тарапынан жеткізілген материалдар мен жабдықтарды жан-жақты тексерді. Инспекция нәтижесінде егжей-тегжейлі есеп дайындалып, клуб басшылығы болашақта қандай қадамдар жасау керектігін шешеді.
DUOL мамандарынан басқа, манеж құрылысын салуға ресми демеуші болып табылатын «Freedom Шапағат» корпоративтік қорының өкілдері де тексеруге қатысқанын атап өткен жөн.
Жұмыс белсенді түрде жалғасып жатыр. Қазіргі уақытта Футбол орталығында әрлеу жұмыстары, жылыту және сумен жабдықтау жүйелерін монтаждау, сондай-ақ электрмонтаждау және жарықтандыру жұмыстары жүргізілуде.
