Главная страница » Клуб жаңалықтары » Семейде Accor әлемдік брендінің отель құрылысы басталады

Семейде Accor әлемдік брендінің отель құрылысы басталады

Жақында өңірде туризмнің дамуына серпін беретін Accor әлемдік брендінің отельі салынады.

Қонақ үй нарығының көшбасшыларының бірі саналатын Accor әлем бойынша 5 500-ден астам отельге иелік етеді.

Бұған дейін облыс әкімі Нұрлан Ұранхаев пен Accor-дың Шығыс Еуропа елдеріндегі өңірлік даму жөніндегі вице-президенті Филипп Боне телекөпір арқылы байланысқа шығып, тараптар өзара ынтымақтастыққа мүдделі екенін жеткізген еді. Нәтижесінде жергілікті бизнес өкілдері мен әлемдік компания арасында тиісті меморандумға қол қойылды.

Әлемдік брендтің Семеймен байланыс орнатуына «Елімай» ФК бастамашы болды. Бүгінде команданың ойыны көпшіліктің назарын аударып отыр. Болашақ отельдің орналасатын жері – әуежайға барар жолдағы салынып жатқан жабық манеж бен ашық алаңның жаны.

Бұл жоба – аймақта туризмнің кең қанат жаюына ықпал етумен қатар, жергілікті тұрғындардың еңбекпен қамтылуына жол ашады. Отельде 100-ден астам тұрақты жұмыс орны ашылады, олардың денін жастар құрайды.

Сондай-ақ, студенттерге халықаралық стандарт бойынша қонақ үй сервисі саласында тағылымдамадан өту бағдарламалары енгізіледі. Жоба жергілікті мамандардың жұмысқа орналасып, кәсіби өсуіне мүмкіндік береді.

Отель туристер мен инвесторларды тартпақ. Бұл қаланың және облыстың экономикалық дамуына ықпал етеді. Сонымен қатар, жергілікті кәсіпкерлердің қызметтері және тауарларына сұранысты арттырады. Сондай-ақ, мәдениет пен білім саласына да серпін беріп, мұражайлардың, түрлі іс-шаралардың көбеюіне ықпал етеді.

Тақырып бойынша материалдар

Қазақстан футболының жаңа дәуіріне тағы бір қадам

10 тамыз күні Семей қаласында «Елімай» футбол клубы» КеАҚ-ның алғашқы Директорлар кеңесінің отырысы өтті. Бұл – Қазақстан Республикасы Президенті Қасым-Жомарт Тоқаевтың кәсіби футболды коммерцияландыру жөніндегі тапсырмасын жүзеге асырудағы келесі қадам. Директорлар кеңесі мына құрамда бекітілді: ✅Нұрбаев Орман Кәрімұлы – Директорлар кеңесінің төрағасы, «Шәкәрім Университеті» КеАҚ-ның директоры ✅Дюсупов Алтай Ахметқалиұлы –

Бүгін біздің облыс ұлы ойшыл Абайдың 180 жылдық мерекесін атап өтуде – бұл күн тек осы жерде туған және өскен әрбір жан үшін ғана емес, бүкіл әлем үшін маңызды күн!

«Елімай» футбол клубы үшін бұл мереке туған өлкеміздің тарихы мен мәдениетіне деген мақтаныш қана емес, сонымен қатар болашаққа батыл қадам жасау мүмкіндігі болып отыр. Мерейтой күні біз Біріккен Араб Әмірліктерінің United Football Academy футбол орталығымен әрі БАӘ біріншілігінде ойнайтын United футбол клубымен ынтымақтастық жөнінде меморандумға қол қойдық . Бұл келісім

Акмаль Бахтияров Елімай сапында дебюттік ойынын өткізді

Қазақстан премьер лигасының 5 туры аясында Елімай өз алаңында біріншілік үздіктерінің қатарында келе жатқан Тобол командасын қабылдады. Тартысты ойында 5 гол соғылды. Елімай сапындағы Роман Муртазаев пен Иван Свиридов екі гол соғып жанкүйерге үміт сыйлады. Ойынның екінші бөлігінде қатарымызға жаңадан қосылған Акмаль алаңға шығып Елімай сапындағы дебюттік ойынын өткізді.